A botica da expresión

Leo no xornal La Opinión de A Coruña que a entidade na que colaboro, Libera!, denunciou ó Concello ós responsables do circo acuático Cirkid.

Indaguei un pouco, un chisquiño pola rede, para ver se as afirmacións son certas e como se di na nova, existen grabacións, e así é, aqui as deixo:

En Zaragoza:

En Santander:

Tamén existen fotografías, pero non creo que sexa axeitado poñelas á luz das probas que atopei. O que máis chama a atención é que os propios responsables do circo falasen nalgúns medios noutras vilas, durante a súa xira deste ano, de que non utilizaban animais, para dicir máis adiante que si, pero só cabalos; e ata o punto de que nas súas funcións aparecen pingüíns e focas, por suposto reais. Pero nos carteis que vexo pola Coruña, non vin animal real algún, senón deseños feitos con pc.

Sen dúbida, unha vergoña, e unha tomadura de pelo. E sempre pensei, e seguirei coa mesma teima; os circos con animais ocultan a mediocridade dos seus donos.

Por certo, La Coz failles unha fabulosa publicidade a Cirkid, igual que os demais circos que pasan por Galicia, con numerosas entrevistas, novas diarias e publicidade con descontos; nesta ocasión ata regalaron 25 entradas. E logo a xente se sorprende de que teñan tamén crónicas taurinas, !!se o respeto animal non é noticia¡¡

TeleSur informaba hai tres horas da primeira morte provocada polo golpe de Estado de Honduras, un estudante que se manifestaba nas rúas de Tegucigalpa.

Outro medio, chamado Agencia Walsh, unha axencia de noticias alternativa, que forzas militares detiveron hoxe a un caricaturísta e a súa filla de tan só 17 meses de idade. Allan Mc Donald é coñecido polo seu traballo no Heraldo de Honduras, o Times e o portal de contrainformación "Rebelión".

Ademais, dende A Botica, dispoñemos para todalas persoas que se interesen pola situación de Honduras, unha canle en directo, a través de Radio Globo, unha emisora de radio independiente asaltada o día 29 de Xuño polos militares, e que continúa transmitindo, desafiando o cerco informativo.

A ligazón para seguir a situación de Honduras é: Honduras en directo

Hoxe, ó redor das 6:30 da mañá (hora de Honduras), varios militares abordaron á Casa Presidencial, detendo pola forza ó presidente Manuel Zelaya, e tamén deportado a Costa Rica, previo paso por unha basea aérea.

O Tribunal Supremo de Honduras apoia o golpe de estado das forzas militares, e segundo algúns mass media tamén ordeou a detención de varios cargos ministeriais e militantes do Partido Liberal de Honduras.

Como atentado moi grave cara a democracia, dende este blogue fago unha pequena aportación contra a violencia antidemocrática do exército e do Tribunal Supremo de Honduras.

Algúns medios de Venezuela e Bolivia informan de que os embaixadores de Nicaragua, Venezuela e Cuba en Tegucigalpa tamén foron retidos; o suministro eléctrico cortouse para evitar a resposta popular, pero non puideron prever que o pobo de Honduras, o pobo soberano do seu propio país saíu a protestar contra este atropelo a Manuel Zelaya, e o goberno lexítimo de Honduras.