A botica da expresión Rotating Header Image

Maio, 2008:

Cando a tradición convértese nunha tortura

Non é estrano que España sexa un dos Estados con maior número de festexos “tradicionais” onde se empregan animais.

Miles de animais son explotados cada ano para as festas de moitos municipios. Cada ano, miles de animais sufren a imbecilidade humana, e a falta de orixinalidade á hora de organizar unha actividade lúdica. No século XXI e aínda hai lugares onde o divertido é prenderlle fogo ós cornos dun touro, ou matalo a lanzadas.

Non só iso: arrincarlle a cabeza a unha oca, tirar un pavo dun campanario, ou a variante coa cabra… Sen embargo, se o implicado é un can ou un gato, a conciencia muda de súpeto ¿vaia hipocresía verdade?

Unha mostra destas barbaries é o Touro lanceado de Tordesillas:

LIBERA! no concerto de Manu Chao na Coruña

Hoxe 23 de Maio, activistas de LIBERA! acudirán ó concerto de Manu Chao na Coruña, para recoller sinaturas da campaña “Galicia, mellor sen touradas” antes do espectáculo.
HORA: 23 de Mayo, A Coruña (apróx.) 21:30 – 22:00.

Ética, respeto e animais

Os seres humanos temos unha consideración un tanto especial polos animais, en xeral, moita xente se declara “amante” dos animais, di que lle gustan moito, e que ten un can, un gato na casa o que quere moito.

Ata aquí non habería problema, pois temos un conxunto da poboación que ten un animal ó que cuida, trata ben e lle da cariño. Sen embargo, a realidade é ben distinta, pois o concepto “amante” dos animais que a xente ten dista moito dun verdadeiro amante dos animais, mellor dito, dun completo amante dos animais.

Con isto refírome a que moitas das persoas que se declaran amantes dos animais, intrínsecamente contribúen á explotación dos seres vivos que ocupan o planeta. Dende a alimentación, onde consumen carne e peixe, ata os animais para compañía, que son adquiridos en tendas que están a lucrase con seres vivos, ós que traen dende países do Este en míseras furgonetas, e polos que se paga sesenta euros, máis ou menos. Isto non é ser un amante dos animais.

Pola contra, outras persoas optan por un modo de alimentación máis saudable e máis ético, o veganismo; o cal non provoca a explotación de ningún ser vivo, nin roupa, nin comida, nin comercio, nin nada que implique algo de dor a un animal.

Máis, o veganismo non é unha forma de vivir maioritaria, e a xente “amante” dos animais, pero consumidora deles, segue sendo maioría aplastante.

Hai moitos e moi variados casos, xa saíndo do veganismo, de xente que acude ás touradas e é soci@ dunha protectora de animais, ¡coñezo os casos¡ ¿isto non é unha falta de respeto, unha falta de ética tremenda?

O respeto polos animais non só abrangue a determinadas especies como cans e gatos, ou mesmo huróns, “tan de moda” nos últimos tempos. O respeto polos animais abrangue a tódolos animais, absolutamente todos, dende un ratiño, ata unha vaca. Ninguén ten o dereito supremo para explotar e matar animais, por diversión, alimentación ou vestimenta. Non é ético.

¿Por qué non probas a mudar cara o vexetarianismo? Cada persoa vexetariana “salva” deceas de animais ó ano. No pasado ano 2007, España “consumiu” 824 millóns de animais, unha cifra noxenta…

Vendida en:

Galiza Indymedia 23/5/2008