A botica da expresión Rotating Header Image

Agosto, 2008:

Tradución de material animalista

Image Hosted by ImageShack.us

Estes días que non escribín, por mor dos meus estudos, estiven pensando que sería moi positivo para a língua galega a tradución de material sobre os dereitos dos animais, das personaxes máis importantes neste eido, como son Peter Singer, Tom Regan, etc.

Os seus escritos podémolos atopar en castelán en multitude de lugares na rede e mesmo nas tendas de libros. Sen embargo, o galego non aparece por ningures. E , xa que eu tamén estou metido neste “embrollo”, creo necesario ofrecer estes coñecementos en galego.

A partires de agora, ofrecerei material animalista en galego, tanto para ler, como para descargar.

Abstracta arte macabra

Lendo a entrevista con Luís Álvarez, empresario multitemático, e organizador da feira taurina da Coruña; véñenme á cabeza algunhas cuestións que debería apuntar.

Cando esta persoa cualifica de éxito o número de abonos vendidos, ao redor de 1500, non menciona o aforamento do espazo, unhas 9.000 persoas segundo o Ministerio do Interior, o que significa que non se chegou nin ao cuarto de capacidade en abonados. Isto quere dicir que só esta cantidade é o aforamento seguro de cada día neste ano.

Fala de afección, de penas, de moitas vendas. Que afección pode haber en Galicia?, onde o 86% da poboación non demostra interese algún por este festexo. O señor Luís demostra vivir apartado da realidade, Galicia non é taurina e nunca o será; e senón dea unha volta por calquera cidade galega e pregunte aos viandantes. Por certo, a afección baixa; a media de idade de asistentes ás corridas rolda os 50 anos, mala cifra para quen se empeña en perpetuar a tortura pública a un ser vivo.

Descoñezo cando chegará o día que vostede e moitos como vostede falen sen vomitar mentiras. E descoñezo tamén cando será o día en que digan canto diñeiro reciben das arcas municipais, do diñeiro de todos; un diñeiro manchado de sangue e sufrimento para o deleite duns poucos.

Vendida en:

OtroMadrid.org 7/8/2008

Kaos en la Red 7/8/2008

Galiza Indymedia 7/8/2008

3i Tercera Información 8/8/2008

O CICR pide explicacións ó goberno colombiano polo uso indebido dos seus emblemas

COMUNICADO DE PRENSA – Xenebra, 6 de Agosto do 2008

O Comité Internacional da Cruz Vermella (CICR) manifestou hoxe a súa grave inquietude ante o que parece ser un deliberado uso indebido do emblema da Cruz Vermella durante a operación, efectuada o 2 de xullo, para liberar a 15 reféns.

Nun vídeo transmitido esta semana na televisión colombiana, revélase que, ata antes de que comezase a operación, un membro do equipo do exército que participou na liberación levaba posto un chaleco sinalado co emblema da cruz vermella, o que fai supoñer o uso indebido intencional.

“Se se autentican, estas imaxes establecerían sen equívocos o uso indebido do emblema da cruz vermella, feito que lamentamos”, declarou o director adxunto de Actividades Operacionales do CICR, señor Dominik Stillhart. O uso dos emblemas da cruz vermella, da media lúa vermella e do cristal vermello está reglamentado nos Convenios de Xenebra e as súas Protocolos adicionais. Estes emblemas non poden ser utilizados por organismos ou persoas que non estean autorizados a facelo de conformidad co dereito internacional humanitario. “Estamos en contacto coas autoridades colombianas, ás que solicitamos máis aclaraciones sobre o que sucedeu exactamente”, dixo o señor Stillhart.

O respecto total e cabal debido ao emblema da Cruz Vermella é esencial para que o CICR poida prestar asistencia e protección ás persoas máis afectadas por conflitos armados e outras situacións de violencia. Como organización humanitaria neutral e imparcial, o CICR depende da confianza que lle outorgan as partes no conflito para poder realizar o seu labor humanitario.

Ligazón orixinal