A botica da expresión Rotating Header Image

Outubro, 2008:

Aznar, o profeta climático

Na presentación do libro “Planeta azul, no verde”, por parte do seu autor, o presidente da República Checa Václav Klaus e o presidente da FAES, Jose María Aznar, descubrimos de novo, como o señor Aznar é próximo o escepticismo que rodea toda a dereita máis casposa do país.

O ex-presidente do goberno criticou con dureza ás organizacións ecoloxistas, e incluso permitiuse o luxo de aconsellar “ó planeta” e invertir mellor o diñeiro en paliar as mortes de fame.

É hipócrita e moi tendencioso que unha persoa que estivo á fronte da (teóricamente) oitava nación do mundo, e que no tempo que estivo na poltrona, que non foi pouco, apenas variou o presuposto de Cooperación ó Desenvolvemento de España. Non se entende como agora fale de fame e pobreza, cando nunca lle interesou o tema; e recurre a falacia “de problemas más importantes”, como fan moitas persoas que non lles interesa ou non lles gusta o que se dedica a xente de forma altruista.

O presidente da República Checa, o autor deste libro canto menos curioso, será o próximo presidente de turno da Unión Europea, polo que as medidas contra o quecemento global e pola mellora do medio ambiente non gozarán de moita prioridade para Václav. Incluso hai probas de que este home, escéptico recoñecido, financia lobbies contrarios a man do ser humano no planeta e a súa consencuencia: o cambio climático.

Nestes momentos de falacia e hipocresía por parte dalgúns, é necesario recordar todos aqueles estudos e traballos do IPCC, Panel Intergubernamental para o Cambio Climatico; organismo da ONU recoñecido polas súas aportacións á problemática medioambiental que nos afecta.

As nefastas palabras de Aznar, que recordan tamén as que fixo sobre a DGT e o viño, ou as verbas contra Iraq e as súas armas de destrucción masiva, só serven para demostrar o pensamento negativo dun home que gobernou un país, !incríble¡

Por certo, a súa dona, Ana Botella é concelleira de Medio Ambiente no Concello de Madrid ¿¿¿que situación agarda ós cidadáns desta cidade co “revisionismo” climático???

Memoria (des)histórica

Se hai unhas semanas soprendía Esperanza Aguirre-Wayne efrontándose aos traballadores dun hospital, e en poucos días o seu goberno filtraba o sindicalismo de varios empregados que protestaron contra a súa presenza nun hospital.

Agora, Esperanza, volve coas pilas moi cargadas, quizais demasiado; esta vez o motivo do seu ataque é o auto iniciado polo Xuíz Garzón sobre a ditadura franquista e os seus excesos.

A falta de educación e de respeto que mostra esta muller polos centos de miles de persoas asasinadas durante o réxime franquista roza a ilegalidade. Comparar un feito histórico como a época de Napoleón, que curiosamente é heroe nacional en Francia, co asasinato ruín e sombrío do aparato policial e militar da ditadura é canto menos vergoñoso.

Sempre que ocorre algo relacionado coa ditadura, que se basea por exemplo, na exhumación masiva de fosas comúns, ou no enxusticiamento dos responsables, aparece a temida oración “reabrir viejas heridas”. ¿Que vellas feridas vai reabrir, se os familiares e parentes dos asasinados e desaparecidos nunca as pecharon, ¿como é posible que haxa tales personaxes que neguen este dereito a coñecer o paradeiro dos seus familiares?

¿Como é posible que os guerrilleiros e maquis españois aínda non teñan un recoñecemento oficial pola súa defensa do goberno lexítimo? ¿Como pode ser que todavía existan vestixios franquistas nas nosas cidades?

Todo isto ten poucas respostas, e quizais a máis interesante sexa: a algúns non lles interesa. O que foi historia para uns, é un calvario para outros. Case 30 anos vivindo no exilio, case 30 anos sufrindo a represión dos irracionais. E todavía agora, no 2008, certas posicións ideolóxicas néganse a mirar cara diante, pechando definitivamente o sanguento pasado.

[kml_flashembed movie="http://es.youtube.com/v/ZmIqS5473iw" width="425" height="350" wmode="transparent" /]

En Galicia aínda temos máis posicións surrealistas; a familia Franco, todavía non xuzgada, tentou á Consellería de Cultura para obter unha indemnización pola futura declaración de BIC (Ben de Interés Cultural) do Pazo de Meirás. Carmen, ¿cando pagaredes á familia Pardo Bazán o expolio do seu fogar?

Vendida en:

Kaos en la Red 23/10/2008

Gandeiría e quecemento global

Ó fío da entrada anterior, deixo un video da intervención de diversos expertos acerca da relación da gandeiría co quecemento global, e as causas, solucións e suxerencias ó seu parecer. O video está en inglés, e quen entenda esta língua quedará moi abraiado; ¿que fai que non entenda inglés? Pois nuns días espero ter un resumo dos informes de Rajendra Pachauri e a súa presentación neste seminario.

[kml_flashembed movie="http://es.youtube.com/v/f0Zj7EW3U-c" width="425" height="350" wmode="transparent" /]