A botica da expresión Rotating Header Image

Maio, 2009:

A Coruña acollerá un seminario internacional antitaurino

TRADUZO A NOVA DENDE A WEB DE LIBERA! E INCLÚO O CARTEL DO SEMINARIO

A Coruña acollerá un seminario internacional sobre as touradas

Trátase dun evento pioneiro a nivel galego, e que celebra a súa segunda edición, desta vez internacional, na cidade da Coruña.


O “II Seminario Internacional pola Abolición da Tauromaquia” terá lugar os días 19 e 20 de Xuño, na sala de conferencias do Pazo de Exposicións Kiosko Alfonso. Conta coa colaboración da Concellaría de Cultura, e a entrada é de balde.

Durante primeiro día terán lugar dous debates, o que abre a tarde, as 18:00 horas, con catro formacións políticas e o seguinte, as 19:30 horas, coas organizacións xuvenís destes partidos. Será a primeira vez en Galicia, que teña lugar un debate sobre a tauromaquia entre políticos. Os grupos invitados foron o PSdeG-PSOE, Partido Popular, Esquerda Unida e o BNG. As formacións xuvenís pertencen ás formacións invitadas

No segundo día ofreceranse un conxunto de conferencias sobre as touradas, dende distintas perspectivas. O doutor en filosofía Óscar Horta, na actualidade, investigador na Universidade de Rutgers, en Nova Iersei; ou Raül Romera i Rueda, eurodeputado e membro de Iniciativa per Catalunya-Verds serán algúns dos poñentes desta segunda edición.

As institucións públicas non queren touradas
Durante o presente ano, xa son tres as concellarías de vilas galegas que colaboraron na organización de actividades contrarias ás touradas. En Febreiro foron a Concellaría de Medio Ambiente e a Concellaría de Cultura de Santiago de Compostela, e en Xuño será a Concellaría de Cultura da Coruña.

Fontes da plataforma explican: “É lóxico que cada vez máis as institucións públicas queiran apostar por actividades que amosan un verdadeiro respeto cara os animais, neste caso os touros; ademais, xa temos varias propostas de varias concellarías para seguir desenvolvendo este tipo de iniciativas, durante 2009, nas súas cidades”.

500 euros por touro
Foi un membro do grupo Verdes/ALE do Parlamento Europeo quen descubriu que a Unión Europea subvenciona ós criadores de touros para eventos taurinos, cunha partida presupostaria cun montante total de 20 millóns de euros ó ano; cada criador percibe ó redor de 500€ por cada animal.

En palabras de Raül Romeva, eurodeputado, “a tauromaquia converteuse nunha industria altamente subvencionada polas institucións; é inconcebible que nesta última lexislatura europea gastáranse 100 millones de euros neste tipo de subvencións”.

Fora malo, ¿dentro bo?

Todos os pobos do mundo teñen unha serie de tradicións, que conforman a propia identidade desas nacións, ou mellor dito deses ciudadans. A cultura e a tradición, poderiamos dicir, son aspectos intrínsecos ás sociedades, aspectos moi antigos e forman parte dos pobos casi dende os seus comenzos.

A pesares disto, e de todo o peso que queiramos dar ás tradicións; algunhas non deben formar parte da sociedade actual. Por estar desfasadas nalgúns casos, ou porque en xeral, atacan contra os propios valores morais.

Un exemplo evidente son as tradicións taurinas. Estes acervos culturais estaban moi extendidos outrora, e a súa desaparición en gran parte de Europa non se debeu a lexisladores modernos nin recentes, senón aos propios impulsores da Ilustración e os seus seguidores. Si, fai varios séculos algúns xa pensaban no respeto ós animais.

Esta definición es estrana; pero se falamos de “festa do boi”, pensamos en Allariz (Galiza), correbous en Cataluña e Comunidad Valenciana, etc.

Eu non atopo diferencias, todos son animais, se lles pique ou non, se lles mate nun recinto ou noutro. ¿Que diferencias ves ti?

Dereito a prohibir

O fomento do caos é unha das mellores formas de revolucionar un povo. Baixo este prisma, naceron certas plataformas de tendencia ultraconservadora, e co único fin de desestabilizar todo avance e de criminalizar toda mellora social.

O tema do que me apetece escreber é peliagudo: o aborto. Peliagudo para algúns, normalizado para outros, a verdade é que nunca deixa indiferente a ninguén; eu como activista animalista que son, tiven que refutar, non en poucas ocasións, argumentos de persoas que criticaban o noso traballo e nos falaban do aborto, “¿Qué por que non faciamos nada contra o aborto?” como se o tema tivera moito que ver…

A sociedade galega xa está a soportar o imperativo avance do movemento antiabortista, e durante varios días estarán en autobuses peinando as cidades, vendo se poden facer demagoxia e se poden caldear máis os ánimos do que xa están. Unha semana enteira teremos que aturalos, do 20 o 28 de maio en Lugo, Ferrol, A Coruña, Santiago, Pontevedra, Vigo e Ourense respectivamente. Eu supoño que en Pontevedra e Vigo terán cobertura e delegación oficial de Galicia Bilingüe, porque o fin e o cabo, son os mesmos os que fan isto.

HazteOir, alma do antiabortismo máis rancio (se pode ser máis) non é unha entidade pequena precisamente; un grupo de presión dirixido dende Madrid, cun soporte económico moi descoñecido. O que son ben coñecidas son os seus apoios do Partido Popular, COPE ou do Foro de Ermua. Unhas xoias.

Oporse á asinatura de Educación para a Cidadanía e os Dereitos Humanos, fomentalo odio e desprecio cara o colectivo homosexual, negar a adopción a parellas do mesmo sexo, en fin, unha forma de mirar cara atrás e recordar tempos mellores.

Tamén teñen os seus “cachorros” neocons. Os “Jóvenes DAV”, ¿non vos soa? Pois a min recordame o do adoutrinamento. Manifestacións contra os novos modelos familiares cheas de menores, contra o aborto, cheas de nenos e nenas, contra os homosexuais, cheas de nenos e nenas…vergoña falar logo de adoutrinamento se lles inculcas ós fillos valores inconstitucionais.