A botica da expresión Rotating Header Image

Agosto 11th, 2009:

Ás veces escoito… ¿cousas?

Seis de agosto, mísil informativo da boca da Secretaria Xeral do PP, parece ser que segundo María Dolores de Cospedal a policía xudicial e outros corpos e forzas de seguridade do Estado, incluíndo autoridades xudiciais teñen “picados” algúns dos teléfonos dos ppopulares.

A día de hoxe, cinco xornadas despois das explosivas acusacións, o Partido Popular e a súa secretaria xeral están a destacar por presentar probas, non, perdón, por non presentalas. Nin texto, nin audio nen video. Non hai nada que probe as supostas grabacións de conversacións. Igual que tampouco existe ningunha denuncia en comisaría, xulgado ou entidade asimilable por parte deste partido político. Unha vez máis, a táctica de “enmerdar que algo queda” parece ser a tónica xeral dunha formación caracterizada polo tremendismo.

E, por certo, en Palma de Mallorca detiveron novamente a cargos do Partido Popular pola construcción dun velódromo, unha construcción un tanto escura e que non se sabe moi ben porque cun presuposto inicial de 50 millóns de euros, a cifra duplicóuse ó final.

Unhas declaracións tóxicas, nun marco incomparable, Marbella; porque De Cospedal non descansa nin de vacacións. Falo de marco incomparable porque con segundas interpretacións, Marbella é a capital europea da corrupción e do urbanismo salvaxe, aquel que a Xunta de Galicia renovada tralas eleccións, pretende fomentar ou canto menos permitir.