A botica da expresión Rotating Header Image

concello

As touradas e Cangas

A pasada semana unha nova espertou un positivo interese nos medios de comunicación. Tratábase do lanzamento da campaña “Queres declarar a túa vila abolicionista?”, idea da plataforma Galicia, Mellor Sen Touradas, que concentraba no seu primeiro día de vida a presentación de mocións contrarias á barbarie taurina en 19 concellos galegos.

Xa pasaron 12 días dende a presentación da campaña e do “boom” mediático, e xa son 25 os concellos que recibiran unha moción no rexistro municipal, como adiantaba o xornal Público nunha entrevista a un membro da organización abolicionista galega.

Hoxe a nova é moi positiva, como informa La Coz de Galicia e o medio taurino Burladero. Trátase da primeira moción contra as touradas presentada nun concello por parte dunha formación política, unha iniciativa auspiciada pola formación Alternativa Canguesa de Esquerdas, que levara a proposta de Galicia, Mellor Sen Touradas ao seguinte pleno do concello de Cangas con algunhas modificación segundo puiden coñecer…

ACE goberna en coalición co Bloque Nacionalista Galego e o PSdeG-PSOE, e a situación na vila non é moi estable despois de toda a revolta co gallo das obras e do porto cangués. Sen embargo a proposta ten que continuar (the show must go on!) e ten que aprobarse, pois de facelo, sería o primeiro concello galego oficialmente contrario ás touradas, despois de que o alcalde de Monforte rexeitara debater a iniciativa, nun intento por contentar ao lobby taurino.

Encapuchados

Non queren protexer a biodiversidade

Rexeitan o uso do preservativo

Rexeitan o dereito da muller a abortar ou non

Manifestanse contra as unións do mesmo xénero

Rexeitan ás familias non tradicionais

Non lles gusta inculcar valores cívicos ás nenas e nenos (e os non tan nenos)

¿E todavía os financias?

Conferencia Episcopal, co diñeiro de todos

Pola gloria de…

O Concello da Coruña cúbrese de gloria, de gloria divina e gloria sanguenta. Hai unhas semanas o concelleiro do PSdeG-PSOE, Carlos Gonzalez-Garcés, amosaba a súa intención (e voluntade) de voltar coa subvención á Feira Taurina da Coruña, con diñeiro público, claro. Non contento coa polémica do 2008, a nova concesión contempla un aumento de 10.000€, co que o final durante 2009 e 2010, o consistorio coruñés empregará 260.000€ en torturar e matar animais por divertimento.

Pero este non é novo; o realmente interesante deste artigo, é saber cal é a nova xogada do “socialista” Gonzalez-Garcés.

A historia nace da páxina web do Concello da Coruña, na súa sección de novas, e coa proximidade das vacacións de Abril, chamadas por algúns Semana Santa. Pois ben; o Concello da Coruña pódese dicir que colabora coa relixión católica, posto que presentou nun espazo público (o Pazo de Maria Pita) o calendario de actividades durante unha semana de fervor relixioso e ultraconservador.

Podo dicir que o Concello e este concelleiro cúbrense de gloria, igual que o comezo desta entrada.

Grazas por financiar tantas atrocidades e tanta intrasixencia, seguro que o PSdeG-PSOE con este movemento municipal, cala entre a cidadanía de esquerdas. De dereitas seguro que si, porque ter amigos de Fuerza Nueva, non se logra en calqueira parte, nen con calqueira política.