A botica da expresión Rotating Header Image

decreto

Rebumbio do mes

Todavía non remataron os exames, e A Botica da Expresión anda máis orfa do normal. Nesta semanas de estudo aconteceron moitas cousas. En primeiro lugar, a declaración de Cangas como primeira vila de Galiza contraria aos festexos taurinos, sen dúbida un paso moi potente do movemento abolicionista galego.

Outra nova que me sorprendeu será ler a Chomsky cada mes nun coñecido xornal, o diario Público; sen dúbida unha das persoas máis críticas co seu propio país e cos seus gobernantes e sistema. Un dos expertos cidadáns, sen moitas cavilacións. Por certo, o sábado o mesmo xornal ofrece a súa obra “Utopía”, que eu non deixaria escapar.

Ao señor Aznar as cousas non lle pintan tan ben, despois de que a Xustiza anunciara que investigará ao seu antigo goberno popular por financiar, supostamente, a un grupo de presión co obxetivo de que lle otorgaran a medalla de ouro do Congreso dos Estados Unidos. Eu temía que non quixera quedarse nas Azores, aprendendo inglés e italiano, e por desgracia nosa, puido ocorrer que dera diñeiro da cidadanía para aumentar a estantería dos trofeos, xunto coa resolución da ONU e o Iraq.

Sen dúbida o filme do mes é To Shoot an Elephant, un documentario nada corrente sobre a invasión de Gaza, por parte do estado de Israel. Xusto poucos días antes de que o propio goberno (terrorista) admitira que empregou fósforo branco. Tamén é interesante ver “Gaza: War in Media“, que emprega material do filme de Alberto Arce e Mohammad Rujailah e enfoca a situación dende o punto de vista dos medios de comunicación, os mass media e a demagoxia dalgúns.

Pero tamén estaremos atentos para ver como remata a polémica do decreto pluri-maxi-hiper-lingüístico. Pois eu penso que mellor que a língua inglesa, habería que aprender chinés, idioma en expansión e próximo idioma dos negocios no mundo. Sigo co estudo…

E a culpa é do…!!galego¡¡

Comeza a campaña electoral, e comezan os despropósitos verbais; aínda que nas filas de UPyD (que nome máis populista) xa levan vomitando tonterías todo o ano.

Dende que UPyD naceu, un dos seus primeiros movementos foi atacar ó nacionalismo, e non ter inconvintes en relacionalo co terrorismo e con todos os males que existen en Galicia e noutras comunidades.

Agora, a situación recrudécese, e UPyD da man de onmipresente Rosa Díez, clama o ceo ante as inxustizas que está a provocar o galego.

O galego debe ter a culpa de: terrorismo, fracaso escolar, crise económica, a masacre de Gaza, etc etc etc Porque o galego é o demo, e o nacionalismo galego, aínda máis.

Nestas semanas, Isca amosaba como nun mitín deste partido en Pontevedra, o reparto de panfletos con consignas dun democrata-de-toda-a-vida como Jose Antonio Primo de Rivera, recibian apoios e felicitacións por parte dos asistentes.

Xa antes UPyD amosou a súa disconformidade , mellor dito: atacou, cunha campaña da Universidade de Vigo, que promocionaba o multilingüísmo, !!que raro¡¡. Outra das pérolas é acosar á operadora aerea Swiss Air para eliminar o catalán dos seus servizos no avión, nun intento por impoñer a supremacía española alí por onde teñan algún afiliado un pouco gilipollas.

Pero non hai “cagada” maior que vincular o fracaso escolar dos nenos e nenas galegos ó uso do galego. Eu pregúntome como é posible facer dita comparación, cando os niveis de fracaso escolar en comunidades unilíngües como Madrid ou Andalucía teñen porcentaxes de abandono dos estudos semellantes e incluso superiores a Galiza, non entendo como se pode facer dita afirmación á lixeira, sen ter ningún estudo nen proba que demostre tal situación.

Tampouco me sorprende moito vindo dun partido populista, feito para persoas con pouca materia gris, e cun programa electoral que se pode escreber nun pano do peto.

Para a súa desgracia, UPyD non terá deputado algún nas vindeiras eleccións do 1 de Marzo.